Ditën e sotme Italia ka shënuar 29,907 raste të reja me koronavirus, rekordi i saj më i lartë ditor që nga fillimi i krizës.
Fatkeqëshisht 208 pacientë kanë humbur betejën me COVID-19, duke e çuar numrin e përgjithshëm të viktimave që nga fillimi i pandemisë në 38 mijë.
“Ne kemi 48 orë kohë për të miratuar masat e mëtejshme shtrënguese”, u shpreh ministri i Shëndetësisë, Roberto Speranza.
Ministri thotë se një bllokim i ri megjithëse jo i gjatë sikurse ai i vendosur në muajin mars, do të ishte ndoshta opsioni i vetëm për të frenuar rritjen e rasteve.
“Kurba epidemiologjike është akoma shumë e lartë. Ajo që më shqetëson më së shumti janë të dhënat absolute, të cilat shfaqin një kurbë të tmerrshme”, tha ai.