Një ngjarje e rëndë tronditi opinionin publik ditën e sotme teksa pas një sherri mes të miturish pranë shkollës 9-vjeçare “Fan Noli”, ka mbetur i vdekur një 14-vjeçar, teksa është plagosur një i dytë. 14-vjeçari ishte futbollist i Dinamos në grupmoshën U-15.
Klubi dinamovit ka reaguar pas ngjarjes tragjike përmes rrjeteve sociale ku i shpreh ngushëllimet familjes së viktimës.
Ngushëllimi i Dinamos:
“Jemi thellësisht të tronditur nga lajmi tragjik për ndarjen e parakohshme nga jeta të lojtarit tonë Martin Cani, pjesë e skuadrës U-15. Presidenti Adrian Bardhi dhe klubi FC Dinamo City i shprehin ngushëllimet më të sinqerta familjes Cani dhe i gjenden pranë në këto momente shumë të vështira. U prehsh në paqe Martin!”