293
Ish-futbollisti i Partizanit, Lauren Ismailaj, do të vijojë karrierën te skuadra e Lushnjës. 27- vjeçari nga kryeqyteti, shkëlqeu sezonin e shkuar me skuadrën e Tomorit, teksa ishte golashënuesi më i mirë i skuadrës beratase, duke gjetur 7 herë rrugën e rrjetës.
Ismailaj ka nënshkruar një kontratë 1-vjeçare me lagunarët dhe do të jetë nën urdhrat e trajnerit Gugash Magani për sezonin e ri në Kategorinë e Parë, e cila do të nisë më 2 shtator.
Me transferimin e 27-vjeçarit cilësia e mesfushës verdhejeshile rritet ndjeshëm, teksa objektiv do të jetë “top 5”-shja në tabelën e renditjes, nga ku do të tentohet, pse jo, edhe një promovim në Superiore. Sa i përket rinovimeve, lojtari i fundit ishte Endrit Magani.