Kryetari i Partisë Demokratike, Sali Berisha thotë se shumë shpejt do të arrihet në një vendim përfundimtar për mbajtjen e protestave.
Në një konferencë me gazetarët, Berisha u shpreh se sot do të zhvillohet një takim me kryetarët e degëve në rrethe, ku çështjet kryesore janë protestat dhe primaret.
Teksa u ndal tek gjendja ekonomike e shqiptarëve, Berisha u shpreh se kurbanet e radhës janë biznesi dhe shtresa e mesme.
“E dyta është protesta dhe vetëm protesta. Sot kam një takim me kryetaret e degëve të rretheve ka dy çështje, primare dhe protesta, protesta dhe primare. Po shkojmë drejt asaj që të gjithë e presim, përcaktimin e ditës së protestave. Ky përcaktim do jetë i afërt. Do ua komunikojmë, strukturat do e bisedojnë dhe pastaj do keni vendimin përfundimtar, pasi situata sot po bëhet e padurueshme.
Gjendja ekonomike përkeqësohet, vjedhjet e qeverisë të pakufizueshme. Biznesi dhe shtresa e mesme janë ato kurbanet e radhës të politikave të hajnisë dhe kërkojnë mbrojtje dhe ne do ti mbrojmë”, tha Berisha.