Juventus, kërkon mbrojtësin e Kombëtares shqiptare Mario Mitaj, që aktivizohet në Rusi me Lokomotivën e Moskës. Drejtuesit e klubit bardhezi ndoqën nga afër dy ndeshjet e Kombëtares ndaj Kilit dhe Suedisë.
“TuttoSport”, shkruan se Juventus do e shoh në Europian dhe Mitaj do të jetë në vitrinën e rëndësishme pasi Shqipëria do të luajë kundër ekipeve si Italia, Spanja dhe Kroacia, për këtë është i qartë edhe drejtori sportiv Giuntoli i cili nuk dëshiron të humbas kohë dhe ka nisur kontaktet e para me drejtuesit e Lokomotivës së Moskës.
VLERËSIMI I KLUBIT RUS
Gjithnjë sipas “TuttoSport”, klubi rus e vlerëson me 8-10 milionë euro kartonin e Mitaj, një shifër e përballueshme për “Zonjën e Vjetër” pasi anësori kuqezi konsiderohet si një lojtar me shumë potencial.
LEXO MË SHUMË:Mitaj, vëzhguesit e Juventusit e ndoqën në ndeshjen Shqipëri-Kili: ZBULOHET VENDIMI I MARRË
Mario Mitaj ishte një nga lojtarët më të mirë në fushë në radhët e Kombëtares shqiptare, pavarësisht humbjes 0-3 përballë Kilit në miqësoren e zhvilluar në Parma. Sipas mediave italiane, të deleguarit e Juventusit kanë ndjekur nga afër ndeshjen Shqipëri-Kili, duke parë kështu edhe paraqitjen e Mario Mitajt. 20-vjeçari i ka bërë përshtypje drejtuesve bardhezinj me performancën e tij në fushë, duke tërhequr vëmendjen e skautëve. Mitaj mund të jetë një objektiv për Juventusin duke pasur parasysh talentin e tij të madh dhe dëshirën e klubit për t’u fokusuar mbi të gjitha te të rinjtë.