Flamurtari nuk po kalon një moment të mirë në kampionat. Humbja e fundit kundër Vorës duket se ka mbushur “kupën” për tifozët e Flamurtarit. Ata kanë shpërthyer në rrjetet sociale te profili i klubit vlonjat. “Sa ekip i shëmtuar. Pa ide. Pa zemër. Rrëmujë në çdo repart”, shkruan njëri nga komentuesit.
Një tjetër citon: “Ekip që nuk jep asgjë.I ç’organizuar në të gjitha repartet sidomos mbrojtja, e cila ishte e thyeshme në çdo kohë. Marrin gol që në pjesën e parë dhe reagimi është pothuajse zero.U bënë katër ndeshje me dy pikë.
Ky ekip (me këto lojra) shanset për të qëndruar në Superiore i ka të pakta”. Ishin disa nga komentet e tifozëve të Flamurtari-t. Fakti që ende nuk e kanë marrë fitoren e parë e shtonë “dramën” te ekipi i Carlos Garcia, pavarësisht investimit marramednës në merkaton e verës.