Erion Xhafa nuk është më trajner i Lushnjës. Klubi e ka njoftuar vendimin përmes rrjeteve sociale, ndërsa tregon se vetë trajneri ka vendosur të dorëzojë detyrën për arsye personale. Si kandidat kryesor për të marrë drejtimin e Lushnjës është Ditmar Bicaj. Ish-tekniku i Burrelit shihet si zgjidhja më e mirë për t’i dhënë skuadrës stabilitet dhe energji të reja në këtë moment vendimtar të sezonit.
Ditmar Bicaj zhvilloi një sezon të jashtëzakonshëm sezonin e kaluar me Burrelin duke u bërë një faktor në Kategorinë e Parë. Tekniku Erion Xhafa u largua nga stoli i Lushnjës pasi skuadra nuk po i përgjigjej siç donte ai. Katër barazime në po kaq javë ishte një tregues i qartë se në klubin lagunar gjërat nuk po shkonin siç duhej.