Egnatia vijon të lëvizë me vendosmëri në merkato, teksa kampionët e Shqipërisë janë shumë pranë zyrtarizimit të një përforcimi me peshë për repartin defensiv.
Klubi rrogozhinas ka avancuar bisedimet me Naser Alijin, lojtari me eksperiencë të madhe në futbollin shqiptar dhe ndërkombëtar, i cili së fundmi ka qenë pjesë e Dinamo City. Futbollisti aktualisht është lojtar i lirë dhe palët duket se janë drejt arritjes së marrëveshjes përfundimtare.
Bëhet fjalë për një element me eksperiencë edhe në Kombëtaren Shqiptare, i cili pritet t’i japë më shumë siguri dhe cilësi prapavijës së skuadrës së drejtuar nga Nevil Dede .Afrimi i tij do të ishte një tjetër sinjal i qartë i ambicieve të Egnatia-s për sezonin e ri, ku kampionët synojnë të mbrojnë titullin në Superiore dhe të paraqiten sa më denjësisht në arenën europiane. Në ditët në vijim priten zhvillime të tjera, ndërsa zyrtarizimi i marrëveshjes duket gjithnjë e më pranë.
1 comment
Comments are closed
Add Comment