Egnatia i jep lamtumirën Europa League pas një drame 120-minutëshe në Norvegji. Kampionët e Shqipërisë u eliminuan nga Lillestrøm, me vendasit që triumfuan 2-1 dhe siguruan kualifikimin. Pas barazimit 0-0 në ndeshjen e parë në Rrogozhinë, gjithçka mbeti e hapur për sfidën e kthimit. Egnatia zhvilloi një ndeshje të luftuar dhe arriti të kalonte në avantazh në minutën e 33-të, me Sotën, pas asistit të Fernandos nga goditja e këndit.
Lillestrøm nuk u dorëzua dhe në minutën e 82-të gjeti golin e barazimit me Sander Moen Foss, duke e çuar sfidën në shtesë.
Në 90 minutat e rregullta rezultati ishte 1-1, ndërsa përballja u vendos në 30 minutat shtesë. Kur dukej se gjithçka mund të shkonte drejt një vendimi edhe më dramatik, erdhi goditja e rëndë për skuadrën shqiptare. Në minutën e 94-t të shtesës, Olsen shënoi golin e dytë për Lillestrøm, duke vulosur rezultatin 2-1 dhe eliminimin e Egnatias.
Kampionët e Shqipërisë luftuan deri në sekondat e fundit, por goli i Olsen në shtesë i dha fund aventurës së tyre në Play-Off-in e Europa League. Egnatia largohet nga kompeticioni me kokën lart, pas një përballjeje të luftuar deri në 120 minuta.
Egnatia