Irlanda A ka publikuar listën për ndeshjet e marsit dhe atje shihet edhe emri i Rocco Vatës. Kështu djali i Rudi Vatës ka shuar të gjitha mundësitë për të veshur fanellën kuqezi në të ardhmen. Roko ka refuzuar ftesën e Shqipërisë U-21 dhe ka pranuar që të jetë përfundimisht i Irlandës. Trajneri i këtyre të fundit,
“Nuk e morëm Rocco Vatën se po interesohej Shqipëria për të. E morëm për shkak të kualiteteve që ai ka. Sic e dini, kemi shumë dëmtime në pozicionin ku luan Roko. Ai mund të na ndryshojë stilin e lojës, kështu që kjo është ajo që ne shohim tek ai tani.Për këtë arsye ka ardhur te ekipi A, duhet ta shohim, ai ka aftësinë për të vendosur historinë e një ndeshje, siç ka ndodhur te Watfordi. Duam ta shohim në stërvitje se çfarë do të na afrojë në tavolinë me potencialin e tij, por sigurisht, ka shumë talent”, tha Hallgrimsson.
REFUZIMI I SHQIPËRISË
Vata aktualisht luan për ekipin e Watford-it në Championshipin anglez, ku numëron katër gola dhe tre asisitme këtë sezon në të gjitha garat. Në karrierën ndërkombëtare, Vata ka përfaqësuar Irlandën në nivelet U-15, U-17, U-18, U-19 dhe U-21. Shqipëria besohet se i ka dërguar ftesë Vatës për të përfaqësuar ekipin U-21, por ai thuhet se e ka refuzuar duke zgjedhur ekipin A të Irlandës. Lidhur me këtë ftesë ka reaguar edhe Rudi, i cili ka zgjedhur të ironizojë me një shprehje popullore: “M’ka çu nana me la gojën”. Duke vijuar më tej, legjenda kuqezi tha për FSHF-në se “Nuk janë seriozë dhe nuk kanë asnjë projekt konkret për të na bindur”.
