Kosova ka marr shuplakën e parë nga ndërkombëtarët. Më 1 janar të vitit 2024 pritej që të gjithë qytetarët e Kosovës të udhëtonin lirshëm pa viza drejt zonës Schengen, që përbëhet prej 26 shtetesh evropiane.
Mirëpo ky vendim është rrëzuar dhe do të ketë një shtyrje paafat që shtetasit e Kosovës të lëvizin të lirë. Këtë vendim e njoftoi presidenti i Francës Emanuel Macron, i cili përkrah një konference me Edi Ramën tha se Kosova duhet të reflektojë në vendimet e saj.
Ky vendim sipas Macron ka ardhur për shkak të mungesës së dialogut me Serbinë. Presidenti francez thotë se pret që presidenti i Serbisë, Aleksandar Vuçiç dhe krerët e Kosovës, Kurti dhe Osmani, të jenë të përgjegjshëm në raport me situatën e krijuar.
“E them me shumë qartësi, ne ju kemi besuar për çështjen e vizave, çështja është pezulluar nga ana e Francës, sepse ka të bëjë më respektin e fjalës së dhënë. Fjala nuk po mbahet. Pres që të angazhohen të dyja palët që të ecim përpara në javët e ardhshme. Është kushti i paqes në të gjithë zonën”, tha Macron nga Tirana.