Vllaznia është skuadra e 4-të që ka arritur të sigurojë një vend në Europë për sezonin e ardhshëm. Fitorja 2-1 ndaj Bylisit në sfidën e fundit dhe humbja e Teutës me Partizanin do të bënte që shkodranët të marrin biletën e fundit për në Conference League.
Bylis në minutat e fundit u hodh në sulm në kërkim të golit të barazimit dhe për pak mund të kishte shënuar.
Në fakt ka qenë një mundësi autogoli në minutën e 93-të kur mbrojtësi Marko Juriç në përpjekje për të larguar një top nga zona, e ka goditur atë me kokë dhe perfundoi në shtyllën e majtë dhe përfundoi jashtë.
Një moment që nëse topi do të kishte përfunduar në portë, do të thoshte moskualifikim i Vllaznisë në Europë. Pikërisht për këtë arsye, pas përfundimit të ndeshjes, mbrojtësi i është drejtuar portës dhe ka puthur shtyllën që çoi Vllazninë në Europë.