287
Gentian Muça ka komentuar penalltinë e akorduar në favor të Bylisit në ndeshjen kundër Tiranës. Ai 11-metërsh i dha 1 pikë mallakastriotëve, por ndali bardheblutë drejt titullit kampion.
Në panelin e emisionit “Tibo Gol”, Muça theksoi se rasti në fjalë është qesharak.
Sipas tij nuk është penallti dhe kjo duhej riparë në VAR.
“Nuk dua ta shoh shumë përsëritjen e penalltisë kundër Tiranës, ishte qesharake. Kacorri nuk ishte në kontroll të topit, ai rrëzohet më kot dhe është shumë e turpshme që ky rast të akordohet penallti, e dinë të gjithë ata që kanë luajtur futboll. Nuk e rishikuan në VAR këtë rast”, tha Muça.