Dinamo më në fund ka arritur të zgjidhë hallin e portës. Kryeqyteasit kanë siguruar shërbimet e portierit që e mbylli sezonin me Kastriotin.
Edmir Sali tashmë do të jetë lojtari më i ri i Dinamos, të cilit do t’i besohen edhe “çelësat” e portës për sezonin e ri. Sipas shtypit të shkruar Sali pritet t’i bashkohet “nëndetëses” në stërvitje, teksa zyrtarizimi i tij mbetet çështje ditësh.
25-vjeçari do të jetë një vlerë e shtuar për Dritan Mehmetin, ndërsa do të marrë dhe një fanelë titullari, me Luka Krosta që duhet të pranojë stolin.
