Lorenc Pashja dha dorëheqjen si trajner i Besës vetëm disa orë pas ndeshjes me Kastriotin. Deri më sot nuk janë bërë të ditur arsyet. Megjithatë drejtuesit kanë nxituar të zgjedhin emrin e ri pasi edhe koha nuk premton. Seanca e djeshme stërvitore është drejtuar nga trajneri i mirënjohur nga Kosova Fidaim Haxhiu, i cili punoi si ndihmës me Lorenc Pashjen.
Të pyetur rreth mundësisë së afrimit të një trajneri të ri në vend të Lorenc Pashjes, burime nga presidenti Bizhdili saktësojnë se nuk është e nevojshme, pasi edhe Haxhiu është një trajner me përvojë jo të vogël në Kosovë, por edhe ka punuar në Kroaci.