Vllaznia ka siguruar fitoren e dytë radhazi në Superiore, duke u ngjitur përsëri përkohësisht në katër vendet e para të kampionatit. Një fitore me vlerë të dyfishtë për kuqeblutë, të cilët kanë mundur në kryeqytet Tiranën me shifrat 1-0.
Një ndeshje që nuk u ngrit asnjëherë në nivelin e duhur, kujtojmë që goli u shënua nga pika e bardhë e penalltisë nga Bekim Balaj në minutën e 37′. Sulmuesi shkodran u tregua i saktë nga 11-metrat duke mposhtur portierin Kozi. Vllaznia shkon në kuotën e 23 pikëve, po kaq sa ka edhe Tirana.