Në Komisionin Hetimor për inceneratorët po dëshmon kreu i Bashkisë së Tiranës, Erion Veliaj.
Por, Tabaku dhe Veliaj, bënë sikur po zihen, duke luajtur rolin e zhurmuesit në Komision dhe duke bërë shou dhe zhurmë e mesazhe me gazetarët, si Andi Tela, Andi Bushati dhe Desada Metaj, e cila aktualisht është anëtare e AMA.
Ndërkohë, deputeti Belind Këlliçi ka ndërhyrë duke ‘kryqëzuar’ Erion Veliajn, me fakte.
Deputeti Këlliçi theksoi se qytetarët burgosen edhe për një çati, ndërsa inceneratori i Tiranës, ka ndërtuar pa leje.
Këlliçi tha se ka edhe kronika televizive që tregojnë nisjen e punimeve në landfillin e Sharrës, ende pa u zbardhur leja e ndërtimit nga Bashkia e Tiranës.
‘Janë burgosur qytetarë për një çati. Ka pasur raste ekzemplare si në Unazën e re, ku ju kanë shkuar policia edhe pse po rregullojnë banjot në shtëpinë e tyre.
Ja ku e keni inceneratorin e Tiranës, ndërtim pa leje. Keni kronika televizive, shikojeni, punimet kanë nisur para se të zbardhet leja’-tha ndër të tjera deputeti Këlliçi.
