Xhuliano Skuka e ka nisur me një gol eksperiencën e tij te skuadra e Maribor, duke tundur rrjetën që në ndeshjen e parë përgatitore të skuadrës sllovene, e cila po bëhet gati për pjesëmarrjen në Conference League.
Sulmuesi shqiptar, i transferuar pak ditë më parë nga Metz te klubi slloven, ka luajtur disa minuta në ndeshjen që skuadra e tij luajti kundër NK Limbus Pekre, të fituar me shifrat 5-0. Ai u aktivizua në minutën e 65 të sfidës dhe vetëm 4 minuta më vonë, shkroi emrin në listën e golashënuesve.
Skukës iu besua ekzekutimi i një penalltie dhe sulmuesi nuk gaboi, duke tundur rrjetën e portës kundërshtarë, për të vulosur rezultatin përfundimtar 5-0 dhe për ta nisur me këmbën e mbarë këtë aventurë.