138
Flamurtari-Bylis, takim i javës së dytë i Abissnet Superiore, programuar të luhet ditën e shtunë në orën 17:00, nuk do të zhvillohet në qytetin e Vlorës. Stadiumi nuk është ende gati, tapeti i stadiumit ende nuk është niveluar dhe pritet ti japin dorën e fundit stolave, ambienteve brenda stadiumit, duke përfshirë edhe dhomat e zhveshjes.
Me dakordësinë e dy klubeve dhe vetë Federatës Shqiptare të Futbollit është vendosur që kjo përballje të luhet në stadiumin “Adush Muçaj” të qytetit të Ballshit. Një lajm jo i mirë për tifozërinë e Flamurtari-t, që pas 5 vitesh mungesë të skuadrës në Superiore, do të duhet të presë edhe disa javë të tjera.