Tirana rikthehet te fitorja duke mposhtur Dinamon në një derbi të çmendur që përfundoi me rezultatin 3-2 në favor të bardhebluve. Përfundim i njëjtë si ai i 2 derbeve të tjera mes tyre duke konfirmuar se kjo përballje garanton gjithmonë spektakël.
Tirana i jep një goditje bluve në garën për Final Four, ndërsa vetë avancon me vetëm 1 pikë larg Skënderbeut. Në përfundim të ndeshjes, trajneri Erbim Fagu foli për fitoren e tij të parë në kampionat.
NDESHJA-Dua të komplimentoj lojtarët për sot. Pjesa e parë e dominuar, 2-0, por futbolli është i tillë. Rezultati 2-0 është i rrezikshëm pasi futesh në tension nëse pëson. Dy gabime dhe na barazuan, por reaguam shpejt duke bërë golin e tretë. Ishte një fitore e merituar.
PATRICK- Ishte zgjedhje taktike, ndryshuam rreshtimin. U fut Njadovski dhe ishim me 3 mbrojtës.
FINAL FOUR- Objektivi jonë është ndeshja e rradhës me Teutën dhe Skënderbeu që duhet ta kalojmë në renditje”, tha Fagu.