Partizani përballet të shtunën në mbrëmje në Stadiumin “Niko Dovana” të Durrësit me Teutën, në një sfidë që për trajnerin Orges Shehi është mjaft e vështirë. Sipas Shehit, eliminimi nga Kupa ende djeg, por të kuqtë shohin përpara.
“Vështirësia sa vjen e kalon në një shkallë më të madhe, koha e rikuperimit është më e paktë. Ne do të shkojmë nesër (të shtunën) me idenë që është e rëndësishme për ne dhe të marrim maksimumi nga ndeshja. Futbolli ka momente të këqija dhe të mira, eliminimi nga Kupa na djeg por duhet të vazhdojmë përpara.
E shkuara të shërben për të përmirësuar gabimet, duhet të mendojmë vetëm për të tashmen dhe jo të shkuarën dhe ardhmen. Kërkojmë gjithmonë të përmirësohemi. Nesër është Skuka në pjesën e grumbullimit është edhe Keko. Na mungojnë Mensah, Bytyçi, Mehmeti dhe Preka për arsye kartonësh, patjetër edhe Rrapaj, ndërsa pjesa tjetër është, Manaxhimi është i mirë kur skuadra stërvitet rregullisht, por kemi pasur edhe shumë dëmtime, është e vështirë kur të mungojnë lojtarë dhe të vendos në vështirësi,” tha Shehi.