“Fichajes” bën me dije se Chelsea për të zgjidhur problemin me sulmin është gati të shpenzojë të tjerë miliona euro për shërbimet e sulmuesit të Bretford, Ivan Toney.
Sipas portalit spanjoll drejtuesit e Chelsea-t po mendojnë një mënyrë për të ulur çmimin e kartonit të 27-vjeçarit. Për Brentford, Toney vlen rreth 80 milionë euro. Shifra është e lartë edhe për një ekip si Chelsea dhe mendohet se në këtë tratativë mund të futet edhe kartoni i Brojës.
Siç dihet vlera e shqiptarit në merkato është rreth 28-30 milionë euro. Chelsea shpreson të ulet në tavolinë me Brentford me një plan të qartë. Ekipi anglez do të përfitonte rreth 50 milionë euro dhe shërbimet e Brojës në këmbim të sulmuesit.
27-vjeçari vitin e kaluar u paraqit mjaft mirë me Brentfordin duke shënuar 20 gola në 33 ndeshje.