Për herë të parë në histori, Egnatia arrin të kaloj një turn në Kupat e Europës. Rrogozhinasit e Edlir Tetovës, ja dolën me sukses ndaj bjellorusëve të Dinamo Minks, duke siguruar një biletë për në raundin e tretë të Ligës së Konferencës, falë rezultatit të përgjithshëm 3 me 0.
Në përballjen e sotme, kampionët e Shqipërisë, triumfuan me rezultatin 1 me 0 në shtëpi falë golit të Selmanit, ndërkohë që në duelin e parë në Bjellorusi, arritën të fitonin me shifrat 0-2, duke shkruar kështu historinë. Tashmë Tetova e të tijtë do të kenë përballë ekipin slloven Olimpija Ljubjana.
NDESHJA E PARË DINAMO MINSK-EGNATIA 0-2
Dinamo Minsk ishte një kundërshtar që frikësonte, duke qenë se kishte luajtur në fazën e grupeve sezonin e kaluar. Për fat, transferta në Hungari e jo në Bjellorusi ka qenë një avantazh që Egnatia e shfrytëzoi më së miri. Sfida e parë e vlefshme për turin e dytë të kompeticionit u vendos nga golat e Lushkjes dhe Bakayoko.