Partizani do të përballet kundër Tiranës në ndeshjen që vlen për titullin kampion. Të kuqtë kanë zhvilluar sot edhe përgatitjen e fundit. Stërvitjen e ka ndjekur nga afër edhe presidenti i klubit, Gaz Demi. “Skuadra i ka dhënë fund përgatitjeve në prag të takimit ndaj Tiranës, i vlefshëm për javën e 33 të kampionatit.
Seanca e fundit është zhvilluar sot në orën 11:00 në stadiumin “Arena e Demave”. Gjendja fizike e skuadrës është mjaft pozitive dhe për këtë takim grupi është i plotë. Takimi Tirana-Partizani do të luhet ditën e mërkurë ora 18:30 në stadiumin “Air Albania”, shkruhet në njoftimin e të kuqëve.