67
Interi dhe Bologna po punojnë për të gjetur një pikë takimi në negociatat për Kristjan Asllanin. Dy klubet kanë rënë dakord për shifrën e 9 milionë eurove, me ekipin zikaltër që ruan 40% të kartonit në rast rishitje. Bologna po mundohet t’i mbushë mendjen Asllanit tashmë. Kjo sepse paga 1.5 milionë euro që është ofruar, u refuzua nga Asllani siç raportohet te “Gazzetta dello Sport”.
Asllani synon që paga të nisë nga 2 milionë euro në sezon, shumë kjo që përfiton si lojtar i Interit. Dhe pse Bologna ofron rritje page pas sezonit të parë, sërish palët nuk kanë rënë dakord për termat financiarë. Gjithçka pritet të marrë drejtim pikërisht sot. Asllani megjithatë qëndron drejt firmës, ndërsa do firmosë kontratë të vlefshme deri në vitin 2029.