Në Shkodër po qarkullon një lajm i fundit që ka të bëjë me të ardhmen e Aron Jukajt. Porteri pas një sezoni të mirë vitin e kaluar ka marrë besimin e klubit për të mbrojtur portën shkodrane. Ndeshjet e mira kanë rënë në syrin e një klubi saudit, emri i të cilit nuk bëhet i ditur. Interesi nga Lindja e Mesme është konkret dhe mund të hapë një kapitull të ri në karrierën e tij, edhe pse për momentin ai mbetet pjesë e planeve të trajnerit Edi Martini.
Klubi kuqeblu ende nuk ka marrë një vendim përfundimtar. Megjithatë, nëse oferta që pritet të mbërrijë në ditët në vijim do të rezultojë bindëse, atëherë Aron Jukaj mund të jetë emri i radhës nga Shkodra që nis një aventurë jashtë vendit. Aron Jukaj ka zhvilluar 31 ndeshje me fanellën e Vllaznisë.