Xhuliano Skuka ka mbyllur aventurën e tij te Metz në Francë, dhe njëkohësisht klubi francez kërkon ta huazojë sulmuesin. Skuka nuk e ka fshehur dëshirën për një rikthim në klubin kryeqytetas, por gjithçka do të vendoset nga agjenti i tij, pasi ka oferta edhe nga klube jashtë Shqipërisë.
Në orët e fundit, sulmuesi në rrjetin e tij social Instagram ka postuar një foto me presidentin Gaz Demi në zyrën e këtij të fundit. Në tavolinë duken trofeu dhe një medjale.
Nuk dihet ende arsyeja e kësaj vizite, nëse Skuka ka arritur në kryeqytet për të uruar ish-klubin e tij apo në zyrën e Gaz Demit është diskutuar për një rikthim të mundshëm.
