Vllaznia ka marrë një fitore shumë të rëndësishme kundër Partizanit, një rivali direkt për momentin në luftën në “Final Four”, teksa ka mundur të kuqtë me shifrat 2-0 në Shkodër. Pjesa e parë e barabartë në raste dhe asnjë gol i shënuar. Taipi në minutën e 15’ ekzekuton një goditje këndi duke gjuajtur direkt në portë, por sfera kalon mbi traversën e katërkëndorit të mbrojtur nga Jukaj. Klubi shkodran u kundërpërgjigj në minutën e 32’. Gjuajtje e fortë e Qatos nga distanca, Qirko përgjigjet me një grushtim që çon topin te Deliu, i cili gjuan por sinjalizohet në pozicion jashtë loje.
PJESA E DYTË
Te kuqeblutë, jesa e dytë nis me Grudën në vend të Qatos dhe Koten në vend të Zekës në radhët e Partizanit. Te klubi shkodran zëvendësimi rezultoi i qëlluar sepse në minutën e 51’ Vllaznia kalon në avantazh. Një top i gjatë drejt zonës nuk kontrollohet nga Qirko, i cili sheh Grudën të rrëmbejë sferën qetësisht dhe ta çojë në rrjetë. Në minutën e 70’ Vllaznia gjeti golin e dytë me Balajn, por sulmuesi shkodran ndodhej në pozicion jashtë loje. Në momentin kur ndeshja po përfundonte, Vllaznia shënoi golin e dytë me Bajramin. Me këtë humbje, ekipi i Partizani rrezikon të humbasë vendin e katërt, ndërkohë në krahun tjetër Vllaznia blindon vendin e dytë në kuotën e 49 pikëve.
LEXO ME SHUME:VIDEO/ Kishte akord prej javësh, klubi nigerian konfirmon transferimin e mesfushorit te Partizani
Kazeem Ogunleye futbollisti më i ri i Partizanit. Klubi kryeqytetas do të ketë në dispozicion një armë më shumë në javët e fundit të këtij sezoni. Të kuqve u është bashkuar mesfushori ofensiv 18-vjeçar nigerian Kazeem.
Klubi kryeqytetas kishte arritur që në fund të janarit akordin me klubin e Rejnxhërs International në Nigeri për futbollistin i cili pritet të jetë në të ardhmen zëvendësuesi i Rrapajt. Por ai ka zbarkuar vetëm në ditët e fundit në Shqipëri, siç ka konfirmuar vetë ish-klubi tij i cili ka postuar edhe një video lamtumire dhe falënderimi të lojtarit.
Comments are closed