Gjashtë javë, 18 pikë në lojë e pesë diferencë, me një derbi midis Tiranës e Partizanit. Gjithcka vërtitet mes dy skuadrave të kryeqytetit, rivale të një jetë për dominimin e qytetit. Kishte kohë që mungonte, që dualizmi për titull të ishte një cështje e tyre. E tani, në lojë futen shumë faktorë që mund të përcaktojnë fituesin, ashtu si analizon Rezart Dabulla, ish-qendërsmbrojtësi bardheblu. Për të, nëse distanca mbetet e pandryshuar deri në derbi, Tirana mund t’i gëzohet titullit të 27 kampion.
“Tirana i ka të gjitha shanset që të fitojë titullin kampion. Mendoj se të rëndësishme do të jenë takimet (Tirana-Kastrioti dhe Teuta-Tirana) para derbit. Nëse Tirana i fiton të dyja atëherë luan përballë Partizanit për dy rrezultate. Nëse gjërat do të shkojnë kështu mendoj se kampionëve në fuqi u duhet të bëjnë kujdes të menaxhojnë deri në fund marzhin e krijuar nga ndjekësja”, nis Dabulla në prononcimin eskluziv për RTSH Sport.
Në fund, një reflektim i Dabullës, që iu kthye memorjes së titullit të humbur nga Vllaznia, pikërisht në sprintin final të kampionatit, me Teutën që bëri parakalimin dhe fitoi me diferencë golash. Ish-qendërmbrojtësi as nuk do ta mendojë cfarë katastrofe do të ishte nëse titulli do të dorëzohej kështu. “Futbolli herë herë është i pashpirt, por uroj që ky skenar të mos përsëritet më”, tha Rezart Dabulla.
Tirana e nis me Kastriotin turin e fundit të forcës në kampionat, ndërsa Partizani udhëton në Niko Dovana për tu ndeshur me Erzenin, duke shpresuar se në dy javët e vigjiljes së derbit, bardheblutë do të lëshojnë diku…