Tirana e Partizani, rivalët miq-armiq të një jete, takohen për herë të katërt dhe të fundit në këtë sezon në një derbi të zjarrtë. Kryeqyteti nuk e ka ende një dominues, pavarësisht se të kuqtë janë në pozita komode dhe bardheblutë në një moment të vështirë. Është ndeshja e jetës për Tiranën, dhe për këtë janë koshient lojtarët, trajneri Bledi Shkëmbi dhe presidenca, se kjo përballje vlen gjithë sezonin.
Përpara se lojtarët të zbrisnin në fushë, u zhvillua një video-analizë, rreth gjysmë ore, për të diskutuar mbi kundërshtarin dhe problemet që ekipi ka shfaqur gjatë këtyre javëve. Te Tirana, situata ishte e qetë, në seancën stërvitore ishin të pranishëm dhe disa nga drejtuesit e klubit, për ti qendruar afër lojtarëve në këtë moment delikat. Ajo që shqetëson më tepër teknikun korcar është mungesa e mesfushorit Rafa. Mesfushori brazilian nuk do të jetë në derbi për shkak se ka plotësuar numrin e kartonave, një mungesë me peshë në repartin e mesfushës. Në lojë janë krenaria, morali dhe pika e kthesës, gjë që mund të jetë një mesazh i qartë për kampionatin e Tiranës.
LEXO ME SHUME:Probleme të mëdha te Tirana, lojtari më i rëndësishëm humbet derbin (EMRI)
Tirana nuk po kalon një moment aspak pozitiv në kampionat dhe tashmë bardheblutë pas humbjes me Elbasanin ndodhen të fundit në tabelën e klasifikimit dhe rrezikojnë edhe qëndrimin në Superiore. Në një moment aspak pozitiv do të duhet të luajnë një nga ndeshjet më të rëndësishme të këtij sezonit, derbin ndaj Partizanit. Përballje kjo e parashikuar të luhet më 7 prill në orën 20:00 në “Arenën e Demave”. Bardheblutë janë të dënuar më shumë se kurrë për të siguruar fitoren dhe për të shpresuar deri në fund te mbijetesa mes më të mirëve.