Dinamo ka bërë një hap të rëndësishëm në kampionat, teksa ka mundur Skënderbeun sot në ndeshjen e prapambetur mes dy skuadrave, për t’u pozicionuar mes katër ekipeve më të mira të Superiores.
Sfida e sotme në Korçë ka qenë e luftuar dhe është zgjidhur nga një episod i cili ka sjellë protesta të vendasve, pasi ishte një penallti e cila solli golin e vetëm të takimit, të shënuar nga Vila.
Por edhe kaq u mjaftoi bluve, të cilët kanë bërë një kthesë të rëndësishme në javët e fundit duke ngjitur shkallët e klasifikimit një nga një, teksa tani e shohin veten në pozita shumë komode në klasifikim mes ekipeve më të mira.