Avokati Spartak Ngjela deklaroi se kryeministri Edi Rama do të largohet nga pushteti nëse bashkëpunon me kryedemokratin, Sali Berisha, i cili është shpallur non-grata në SHBA.
Në një intervistë për Euronews Albania, Ngjela u shpreh se nëse korrupsioni i lartë shtetëror nuk shkatërrohet nga SPAK-u, do të gjenden institucione të tjera.
“Ç’më duhet mua kjo? Po ka, do ikin të gjithë. Këta dy të parët janë të goditur, njëri është non-grata në Amerikë, në qoftë se Rama bën marrëveshje me non-gratan në Amerikë, ka ikur edhe Rama. Unë nuk di gjë, nuk kam pse merrem me këtë problem. Po është kaq mendjelehtë, atëherë është shumë i trembur, ka frikë nga anti-korruopsioni, të shikojmë.
Unë ju thashë që kjo çështje nuk mund të tërhiqet mbrapsht, kjo çështje ka zgjidhjen e saj vetëm me eleminimin e korrupsionit. Në qoftë se korrupsioni i lartë shtetëror në Shqipëri nuk shkatërrohet me këto institucione, do të gjenden institucione të tjera”, theksoi ai.