Vllaznia mund të shpresojë për Shkodran Mustafin, pavarësisht mbylljes së merkato. Ka dy kritere, fillimisht ekipi shkodran duhet të ketë vende të lira në federimet e tyre prej 25 lojtarësh dhe e dyta, që lojtarët të jenë pa kontratë.
Sipas asaj që konfirmoi vetë presidenti i Vllaznisë Alban Xhaferri, oferta për kampionin e botës në vitin 2014 është dorëzuar. Kështu, nëse 31 vjeçari gjerman nuk gjen strehë tjetër, që nuk i ka ndodhur prej gjashtë muaj kur u ndërpre kontrata që e lidhte me Levante, mund të vendosë ta mbyllë sezonin 2023-24 me fanellën kuqeblu.
Në një komunikim me Sektorin e Garave në Federatën Shqiptare të Futbollit është mësuar se Skënderbeu, Tirana e pikërisht Vllaznia kanë ende hapësira në federime. Ndërsa të tjerët e kanë të plotësuar dhe për këtë arsye nuk parashikohen lëvizje të tjera, përvec atyre të bëra brenda afatit zyrtar të transferimeve të janarit.