Një përmbledhje e performancës më të dobët të Cristiano Ronaldos kundër Portos ka bërë xhiron e botës pasi Juventusi u eliminua nga Liga e Kampionëve.
Duke humbur 2-1 në ndeshjen e parë, Juventus fitoi 3-2 në kohën shtesë në Allianz Stadium, por ishte klubi portugez që rezervoi një vend në çerekfinale, shkaku i golit si mysafir.
Bianconerët u nokautuan në të njëjtën fazë nga Lyoni sezonin e kaluar nën drejtimin e Maurizio Sarrit dhe pësuan të njëjtin fat nën trajnerin e ri Andrea Pirlo.
Dhe Ronaldo, golashënuesi më i madh në histori të Ligës së Kampionëve, nuk ishte në gjendje të ndikojë në asnjërën nga dy ndeshjet e kësaj faze.
Pesë herë fituesi i Topit të Artë ka bërë një karrierë për të prodhuar net të mëdha evropiane, qoftë për Manchester Unitedin, Real Madridin apo Juven, por përveç një asistimi spontan te goli i Federico Chiesas, ai ishte tepër i paefektshëm dhe vazhdoi një rekord të mjerë kundër Portos, të cilës i ka shënuar vetëm një herë në tetë ndeshje.
Në rregull se furnizimi i tij nuk ishte i standardit më të lartë, por ai gaboi me një goditje me kokë në pjesën e dytë që normalisht do të prisni që ai të shënonte.
36-vjeçari ishte gjithashtu fajtor për golin thelbësor që në fund të fundit rrëzoi Juven pasi ai nuk e bëri punën e tij si duhet në murin mbrojtës dhe lejoi Sergio Oliveira të shënonte një goditje të lirë nën këmbët e tij në kohën shtesë.
Veprimi i tij i fundit, ku ai gaboi në kontroll një pasim dhe pa topin të dalë jashtë loje, përmblodhi natën e tij ‘prej dështaku’.
Pesë herë fitues i kësaj gare, Ronaldo ishte ngarkuar të ishte njeriu që sjell lavdinë e Ligësn së Kampionëve në Torino.
Por, me të në radhët e tyre, klubi nuk i ka kaluar çerekfinalet dhe janë eliminuar nga Ajaxi, Lyoni dhe tani Porto në tre sezonet e tij me Bianconerët.
Burimi: Telegrafi