Partizani prej disa ditësh është rikthyer në fushën e lojës. Skënder Gega dhe drejtorët rikthyen ekipin sërish në fushë. Ditën e sotme është konfirmuar një tjetër largim, ai i David Domgjonit. Domgjoni u afrua si okazion te kryeqytetasit duke qenë lojtar i lirë. Më pas fitoi edhe vendin e titullarit duke u kthyer në lider për skuadrën. Palët nuk kanë pasur akord për të vazhduar bashkëpunimin, kështu kanë ndarë rrugët. Ky është largimi i dytë zyrtar pas Taipit.
Postimi i plotë
Faleminderit @fkpartizani
Ishte privilegj dhe kenaqesi te isha pjese e ketij ekipi te madh me tifoza te mrekullueshem
Faleminderit presidences,trajnerave dhe gjithe bashklojtareve, ju uroj shum suksese ne te ardhmen… #DD66
Europa nuk pret dhe për këtë te të kuqtë janë mjaft të vetëdijshëm. Kështu klubi gjithçka mesditën e djeshme e ka nisur me një mbledhje, ku të pranishëm ishin edhe futbollistët. Stafi dhe drejtuesit kanë kërkuar nga futbollistët vlerësim maksimal në mënyrë që ekipi të ecë sa më larg. Pjesë e stërvitjes ishin gjithsej 19 futbollistë, ku padiksutim bie në sy mungesa e lojtarëve që iu ka përfunduar kontrata. Kështu Gjelbrim Taipi ishte i pari që njoftoi largimin nga Partizani ditën e djeshme dhe rrjedhimisht nuk ishte pjesë e ekipit. Njëjtë ndodhi edhe me Anteo Osmanllarin që zytarizoi largimin. Partizani ka nisur një periudhë reflektimi mbi vendimet që duhet të merren. Tashmë që Europa afrohet çdo ditë e më shumë, të kuqtë kanë nisur punën për zgjidhjen e disa çështjeve kryesore, që kanë të bëjnë më së shumti me largimet.
Comments are closed
Add Comment