Partizani ka gjetur drejtorin e ri sportiv. Klubi i kuq ka arritur marrëveshjen me Agim Ibraimim, i cili do të marrë zyrtarisht këtë detyrë duke nisur nga dita e nesërme.
Ibrahimi vjen te Partizani pas eksperiencës së tij te Tirana, ku sezonin e kaluar ishte pjesë e strukturës drejtuese sportive. Emërimi i tij shihet si një hap i rëndësishëm për riorganizimin e sektorit sportiv, në një moment delikat të merkatos dhe të sezonit për klubin kryeqytetas.
Prezantimi zyrtar i Agim Ibrahimit pritet të bëhet nesër, ku ai do të nisë menjëherë nga puna për të ndjekur çështjet e merkatos dhe ndërtimin e projektit sportiv të Partizanit për vazhdimësinë e sezonit. Partizani është pa një Drejtor Sportiv, që prej largimit të Arbër Abilaliajt. Ndërkohë që kjo situatë duket se po merr fund.