Partizani do të presë ditën e mërkurë në “Arenën e Demave” skuadrën e Egnatias, me ekipet që do të bëjnë mes tyre llogaritë e gjysmëfinales së kthimit në Kupën e Shqipërisë. Përballje kjo që do të startojë në orën 19:00, me duelin e parë mes tyre që ka përfunduar 1-0 në favor të kryeqytetasve
“Demat” janë vetëm 1 hap larg kalimit në finale, trofe ky që iu mungon prej 21 vitesh. Për këtë klubi ka nxjerrë në shitje edhe biletat.
Çmimet e tyre variojnë nga 300 lekë në tribunën C3 deri në 3000 lekë në tribunën VIP. Biletat mund të sigurohet që nga dita e sotme, teks a janë në shitje online.
Në lidhje me këtë lajmërim, ka reaguar ish-lojtari i Partizanit Ledio Pano. Ky i fundit në postimin e klubit kryeqytetas shkruan se tifozët duhet ta mbështesin ekipin në arritjen e objektivave.
“Tifozet duhet te vijne ne stadjum te merkuren ne mbeshtetje te ekipit . Lerini keto sa eshte bileta cfar te shohim ke te shohim etj etj. Duhet te mbeshtesim ekipin , emrin e ekipit, fanelen e klubit legjendar se ka nevoje per tifozet keto dy ndeshje,te Merkuren dhe te Djelen. Te gjithe ne stadjum.”
Bylis 1-0 Partizani – Roveshiatë e artë dhe një tjetër shuplakë për “demat”
Në një ndeshje që pritej me shumë interes, Bylisi arriti një fitore të madhe ndaj Partizanit me rezultatin 1-0, duke dhënë një tjetër goditje për të kuqtë e kryeqytetit. Goli i vetëm i takimit erdhi nga Përndreca, i cili shënoi me një roveshatë spektakolare, duke mbajtur gjallë shpresat e mbijetesës për ballshiotët. Kjo ishte disfata e tretë e sezonit për Partizanin përballë Bylisit dhe një humbje që i del jashtë Final Four, pasi tashmë Elbasani ka përparësi në përballjet direkte. Bylisi ngjitet në kuotën e 39 pikëve dhe për momentin ndodhet jashtë zonës së rënies.
Comments are closed