Ndarja mes paleve nuk ka qene ajo e duhura dhe si rrjedhoje tashme mund te shihen ne gjyq. E kemi fjalen per trajnerin Orges Shehi dhe klubin Tirana, te cilet pak dite me pare shpallen “divorcin” me njeri- tjetrin,por jo ne menyren e duhur.
Sipas mediave, trajneri i pezulluar i bardhebluve ka dorëzuar në FSHF dhe për Tiranën një shkresë njoftuese. Trajneri i shkarkuar apo i pezulluar, dhe kjo varet nga interpretimi që i bëjnë situatës palët, ka kërkuar zbatimin korrekt të kontratës dhe detyrimeve.
Një lëvizje kjo që pritej nga trajneri, i cili qëndron i emëruar në krye të bardhebluve, ndonëse është i pezulluar nga puna. Tirana, nga ana e saj, pritet të përmbushë kontratën mes palëve, pasi e ka detyrim ose do ta kalojë në heshtje.
Tirana dhe Orges Shehi janë në një marrëdhënie dhe nëse njëra palë nuk përmbush kontratën, atëherë shkallët e veprimeve mund të jenë të ndryshme si nga njëra dhe tjetra palë.
Nga ana e trajnerit mund të ketë një vendim për kalimin e çështjes në gjyq për të prishur kontratën që ka me KF Tiranën për mospërmbushje detyrimesh.