Arbnor Muja ka shënuar ndoshta një nga golat më të bukur në karrierën e tij. Jo për mënyrën e shënimit por për vlerën e tij teksa është i pari në kompeticionin më të madh për klube, Champions League.
Sulmuesi i Kombëtares është titullar me Antwerp përballë Shakhtar në Champions dhe iu deshën vetëm 3 minuta për të zhbllokuar rezultatin. Driblim në zonë dhe me të majtën dërgon topin në fundin e rrjetës.
Kjo është paraqitja e tij e dytë në këtë kompeticion dhe ky gol është një mesazh i qartë se sulmi i Kombëtares është ‘flakë’ para ndeshjes me Çekinë.