Erzeni do të presë Skënderbeun ditën e sotme në stadiumin e Egnatias për të zhvilluar ndeshjen e javës së 6-të të Superiores në orën 15:00. Korçarët kërkojnë të rikthehen te fitorja pas 3 humbjeve rradhazi ndërsa ‘vendasit’ duan të shfrytëzojnë momentin euforik të dy fitoreve rradhazi për të vijuar me rezultate pozitive.
Kjo ndeshje do të ketë një detaj shumë të veçantë që do ta bëjë të futet në librat e historisë së futbollit shqiptar. Erzeni – Skënderbeu, sot më datë 27 shtator 2023 do të bëhet ndeshja e parë në histori mes dy klubeve.
Kurrë më parë këto dy skuadra nuk janë përballur me njëra-tjetrën, qoftë në Superiore, qoftë në Kategorinë e Parë e më poshtë, madje as në miqësore.