716
Erzeni ka mposhtur Tiranën në ndeshjen e parë të javës së pestë të “Abissnet Superiore”-s. Ndeshja e zhvilluar në “Selman Stërmasi” përfundoi me shifrat 1-0 në favor të shijakasve. Goli i vetëm u shënua në minutën e 17 dhe mban autorësinë e Maliqit. Trajneri Deliallisi ka folur pas ndeshjes.
“Komplimente lojtarëve për sakrificën, është e gjitha meritë e tyre. Sa e vështirë është të menaxhoj katër mbrojtësat? Të katër mbrojtësat janë shumë të fortë, edhe pse ka vetëm dy vende. Formacioni fitues nuk mund të ndryshojë. Konkurenca është e fortë dhe konkurenca vetëm sa i zhvillon dhe i përmirëson. Lojtarët i kanë kryer detyrat deri në perfeksion. I kërkova që të kishin personalitet, nuk ka pse të ndihemi inferior”.