Mesfushori i Polonisë, Grzegorz Krychowiak ka dalë në një konferencë për shtyp së bashku me trajnerin Fernando Santos në prag të ndeshjes me Shqipërinë, që luhet nesër në orën 20:45 në stadiumin “Air Albania”.
“Preferoj më mirë të fitoj tre pikë se sa të luaj superndeshje e të humbas. Se një humbje në Tiranë do të komplikonte shumë situatën. Ndaj të gjithë vëmendjen e kam vetëm te rezultati, vetëm te fitorja, ky është prioriteti ynë.
Morali i skuadrës është shumë i lartë, jemi të përgatitur për të luajtur një ndeshje me synimin për ta fituar. Vlerësojmë shumë kundërshtarin që ka cilësi të mira dhe luan në fushën e vet përballë publikut të vet që do t’i japë më shumë energji e vrull. Por jemi të përgatitur të luajmë me të gjitha forcat tona”, deklaroi ai.