483
Korabi po përgatitet maksimalisht për sezonin e ri në Kategorinë e Parë. Klubi dibran fillimisht po rinovon me lojtarët që mbyllën sezonin e kaluar me futbollistë si Sokol Mziu,Vilson Lila e shumë titullarë të tjerë. Sa i përket lojtarëve në hyrje, emri më i fundit është rikthimi i Taulant Markut pas eksperiencës te Dinamo apo Marko Cema. Megjithatë merkato nuk është mbyllur dhe Klikoje Sport ka mësuar se Vilfor Hysa është një tjetër afrim për sulmin e Korabit.
Eksperienca e tij e fundit ishte te Tërbuni,por për shkak të rënies në Kategorinë e Dytë, 33-vjeçari vendosi të firmoste me klubin dibran për 1 vit kontratë. Kujtojmë që sulmuesi ka qenë pjesë e shumë skuadrave në Superiore si Tirana, Teuta,Laçi, Vllaznia apo edhe Flamurtari.