Një histori rozë ka dal në pah ditët e fundit në Paris, teksa është përfshirë aktori i Hollywood, Leonardo DiCaprio. Beqari i stazhionuar i filmit është kapur në Paris në shoqërinë e ëmbël të Rose Bertram.
Një emër jo i panjohur për thashethemet dhe fansat e futbollit: deri pak javë më parë modelja ishte shumë e lidhur me Kylian Mbappé. 28-vjeçarja tashmë është parë me aktorin në disa raste: fillimisht kur dilte nga një klub, pastaj në darkë në një restorant.
Të dy kanë marrë pjesë edhe në një festë të organizuar nga një mik i DiCaprios gjatë javës së modës në Paris. Muajt e fundit është përfolur për një histori dashurie mes Mbappe dhe Bertram, por modelja asnjëherë nuk e përmendi direkt emrin e lojtarit francez, madje u ankua në rrjetet sociale për gënjeshtrat që u përhapën për të. Ajo ishte e lidhur më parë me ish-futbollistin Van der Wiel me të cilin ka dy vajza.