Çfarë do të bënit po të fitonit 217 milionë dollarë në një lotari?! Mendojeni mirë dhe përgjigjuni pasi të mësoni se çfarë ka bërë realisht një person që e ka fituar këtë shumë.
Fituesi i kësaj lotarie fatlume është një francez që e ka quajtur veten thjesht “Guy”, pa dashur të zbulojë identitetin e tij.
Ai ka fituar lotarinë në dhjetor të vitit 2020, që është edhe çmimi më i madh në historinë e “Euro Millions”, një lotari me shtatë numra që përfshin disa vende europiane si Franca dhe Mbretëria e Bashkuar.
Kombinimi fitues i Guy në 2020 ishte 6, 9, 13, 24, 41 dhe yjet me fat ishin numrat 3 dhe 12, sipas deklaratës së Françaises des Jeux (FDJ), e cila menaxhon rrjetin e lotarive.
Guy ka vendosur që pjesën më të madhe të xhekpotit të tij rekord ta dhurojë për një fondacion natyror që ka për qëllim shpëtimin e planetit.
“Nga këndvështrimi im, prioriteti sot është shpëtimi i planetit”, tha Guy për Le Parisien. “Ne duhet të veprojmë. Është një emergjencë absolute. Nëse nuk bëhet asgjë në këtë drejtim, të gjitha veprimet e tjera do të jenë të kota. Ne nuk do të ekzistojmë më.”
“Në momentin kur kuptova se isha fituesi me fat i EuroMillions, pata vullnetin për të ndarë fatin tim”, tha ai në intervistën për Le Parisien.
Guy e ka quajtur fondacionin e tij “Anyama” që është edhe emrin i një qyteti në Bregun e Fildishtë ku ai kaloi disa vite gjatë fëmijërisë së tij.
“Unë kam kaluar shumicën e parave të mia të çmimit dhe gradualisht do t’i jap pothuajse të gjitha,” tha ai.
Faqja e internetit e fondacionit “Anyama” shpjegoi se ishte kujtimi i Guy-it kur shikonte kamionë të ngarkuar me pemë të prera në Bregun e Fildishtë e motivoi atë të krijonte një fondacion mjedisor.
Grupi i lotarisë FDJ mirëpriti vendimin e Guy për të shpëtuar mjedisin, tha zëdhënësi i grupit Thibault Mongis për CNN të Premten, duke e quajtur atë një gjest të jashtëzakonshëm dhe bujar.