Tirana vijon të jetë aktive në merkato. Pas shumë largimeve, drejtuesit kanë filluar të lëvizin duke mbushur boshllëqet. Tsotne Patsatsia, Lleshi, Angelo Tafas dhe Serge Tabekou janë afrimet e fundit, ndërsa ditën e djeshme Klikoje Sport mësoi se Tirana ka arritur të sigurojë firmën e Arbin Zejnullait.
Një tjetër përforcim te klubi bardheblu është ai i Etiene Tare-s, djalit të ish-lojtarit të Kombëtares Igli Tare. Etiene Tare ka zhvilluar seancën stërvitore ditën e sotme me Tiranën, ndërsa nesër do të firmosë një kontratë 1+1 me klubin bardheblu.
Ettiene Tare luan në rolin e qendërsulmuesit dhe në të shkuarën ka provuar të jetë pjesë e Superiores duke firmosur vitin e kaluar me Skënderbeun por zhvilloi vetëm 26 minuta, për t’u transferuar më pas në kampionatin e Kosovës me Dukagjinin. 21-vjeçari shpreson që të shpërtheje te Tirana, ku pritet të ketë hapësirë për lojtarin.