Në prag të ndeshjes të së shtunës ndaj Partizanit, që do të luhet në orën 20:00, mesfushori me mjaft eksperiencë i Teutës, Emiljano Vila ka folur në lidhje me duelin që ekipi bregdetar do të zhvillojë. Ai thekson se skuadra durrsake, pas dy muajsh përgatitje intensive, është gati për të kërkuar fitoren dhe se më e rëndësishme në këtë moment është marrja e pikëve.
“Qëllimi primar është përmirësimi dhe deri më tani ia kemi dalë me sukses. Duhet t’i marrim ndeshjet me radhë dhe të fitojmë sa më shumë prej tyre. Llogaritë në fund të sezonit do të tregojnë se çfarë kemi arritur. Si për çdo sfidë tjetër: kujdes për aspektin mbrojtës dhe atë ofensiv. Normalisht, për të fituar duhen bërë gjërat e duhura. Personalisht ndihem gati.”Përfundoi Emiljano Vila.
BURIMI: Panorama Sport