Edicioni i 73-të të Kupës së Shqipërisë e gjen Dinamon në finale. Vllaznia dhe Dinamo nuk arritën të gjenin rrugën e rrjetës në përballjen e parë, ndërsa në Elbasan u prodhuan 7 gola. Një ndeshje me ritëm e intensitet të lartë, por që në fund fati u buzëqeshi kryeqytetasve që fituan 4-3 dhe rikthehen në finale pas 14 vitesh mungesë. Një pjesë e parë që foli totalisht për Dinamon. Në minutën e 17’, Itodo Mandela shënoi golin e parë cka i hapi rrugën realizimeve të tjera.
Në të 36-tën, dalja e gabuar e portierit Jukaj, shfrytëzohet nga Zabërgja që shënon dhe con ekipin e tij në dhomat e zhveshjes me një moral më të lartë. Moral që u reflektua edhe në fraksionin e dytë, me Dinamon që shënoi dy herë brenda 10 minutave, fillimisht me Mandelan, dhe më pas me Zabërgjan, i cili u tregua i saktë nga pika e bardhë e penalltisë.
Me katër gola avantazh, Dinamo lëshoi shumë terren, diçka që lojtarët e Vllaznisë e shfrytëzuan në maksimum. Goli i Grudës në minutën e 71’, u mendua si rastësi, por goli i Bekim Balajt, tetë minuta dhe realizimi i Kahrimanovic frikësuan Dinamon. Edicioni tjetër është mes Partizanit dhe Egnatias.