Rrjeti televiziv amerikan, ‘Fox News’ ka raportuar se Charles McGonigal po shkon drejt pranimit të fajit edhe për atë që njihet si dosja shqiptare. Dosja e aferës ‘Rama-McGonigal’ do të shqyrtohet nga një gjykatë në Washington.
Sipas rrjetit amerikan, McGonigal rrezikon një dënim me dekada burg. ‘Ish-zyrtari i FBI-së, që luajti një rol në hetimin Trump-Rusi dhe së fundmi u deklarua fajtor për akuzat për komplot me një oligark rus, i ka kërkuar një gjykatësi federal në Washington, më shumë kohë për të hartuar një marrëveshje për pranimin e fajësisë në lidhje me një dosje të dytë, me akuza shumë më të rënda, e cila mund ta çojë atë pas hekurave për dekada’ – raporton prestigjozja ‘Fox News’. Në media shkruhet se në dosjen shqiptare, është faktuar se McGonigal ka marrë 225 mijë euro nga Agron Neza.
Seanca e radhës, kur Charles Mcgonigal pritet të pranojë fajësinë do të mbahet më 22 shtator.