“Corriere della Sera” publikoi sot dokumentin e firmosur nga ish-drejtori sportiv Fabio Paratici. Kontrata e cila u gjet nga Guardia di Finanza në studion e avokat Federico Restano, në Torino, më 23 mars të 2022, është një provë në procesin kundër shoqërisë piemonteze, e cila akuzohet për fshehje të disa shifrave në bilanc.
Borxhi – Dokumenti, i cili “në teori nuk duhej të ekzistonte” (këto ishin fjalët që dolën nga përgjimet e bisedave mes shefit të studios ligjore bardhezi, Cesare Gabasio dhe drejtorit sportiv, Federico Cherubini), është prova që tregon se Juventusi i kishte një borxhë prej 19.6 milionë eurosh Ronaldo-s.
Prova – Shifra sipas hetuesve nuk është rregjistruar kurrë në bilancet e shoqërisë. Letra, e cila sipas hetuesve i përket manovrave që bëri Juventusi me pagat e futbollistëve në sezonin 2020-2021, ishte prova se si disa lojtarë kishin hequr dorë nga pagat e tyre vetëm në aparencë dhe jo në formë zyrtare.